Голем пожар во познато турско летувалиште

Пожари зафатија шума на подрачјето на Мармарис, во западната турска провинција Мугла. Пожарникарите се борат со огнените јазици и од копно и од воздух, јави Анадолија.

Областа Хисарон во Мармарис ја зафати пожар, а причината сè уште не е утврдена.

Во гаснењето сега се вклучени 20 хеликоптери и 14 авиони, екипите на терен прават сè што е во нивна моќ.

Министерот за земјоделство и шумарство Вахит Кирисци и министерот за внатрешни работи Сулејман Сојлу, со хеликоптер ги обиколија областите зафатени со пожари.