Вчера на фесбук страната на Ина Многуфина се најдоа фотографии од возило на брза помош кое пренесувало пациент од Велес за Скопје, на кои се гледа дека дури и на +40 степени со отворен прозорец пациентот е оставен да чека додека медицинскиот персонал прави пауза за цигара на бензинска пумпа.
Голем број на граѓани бурно реагираа на ваквата ситуација која како што велат е пракса во македонското здравство и бараат итни промени на здравствениот систем и поголеми етички принципи.
„На бензиската на Окта на автопатот Велес – Скопје, брза помош со пациент внатре, на 40 степени, екипица надвор лабаво со цигарчето и смоките! #ЗдравоТаравари, би сакала да најдеме начин некако ова понашање на здравствените работници да се смени, мислам дека јавноста е спремна да поддржи секаква акција од страна на Министерството само односот кон пациентите да стане похуман! Да потсетам, штипската болница е позната по случајот на пиење, јадење и пушење на 31.12.2016, случај кој стигна и до странски медиуми. Мислам во ова дувло треба некој да воведе ред пошо не лечат стока туку лечат луѓе, граѓани кои плаќаат здравствено и мора да бидат третирани ко шо треба!
п.с. ми стигна инфо дека возилото е од Виница ама комплетно небитно ми е, нека направат истрага и нека ги најдат, ниеден пациент не заслужува ваков однос!“ – стои во фејсбук статусот.