Полицијата во соработка со надлежни државни институции во текот на вчерашниот ден од едно правно и две физички лица од Струмица одзела околу 1,1 милиони евра, од кои во готовина 597.500 илјади евра, а другите се внесени на трансакциска сметка, објавија денеска на заедничка прес-конференција директорот на Бирото за јавна безбедност, Александар Јанев, претставници на СВР Струмица, УЈП, Финансиската полиција и Јавното обвинителство
Против две физички лица и едно правно лице од Струмица била поднесена кривична пријава поради сомнение за даночно затајување и перење пари.
Во рамки на истрагата биле извршени претреси на локации поврзани со пријавените лица.
Средствата се предадени на понатамошна финансиска истрага, при што треба да се утврди нивното потекло и евентуалната поврзаност со кривичните дела за кои се води постапката.
Надлежните институции проверуваат како и на кој начин биле стекнати средствата, како и дали постои поврзаност со активностите опфатени со кривичната пријава.
