Претседателите на ВМРО ДПМНЕ и СДСМ ќе одат во задолжителна домашна изолација затоа што во текот на минатата недела биле во контакт, односно биле присутни на интервју со новинар кај кој е утврдено присуство на коронавирусот. Ова на денешното обраќање го соопшти министерот Филипче.
Тестови се направени кај двајцата политичари. Резултатот на Христијан Мицкоски е негативен, но тој останува во домашна изолација. Резултатот на Зоран Заев ќе биде готов во денешниот ден, но и тој по добивањето на информациите е ставен во домашна изолација, додаде Филипче.
Новинарот е во добра здравствена состојба и е на лекување во болницата 8-ми септември.
