Животните лекции кои со векови биле запишувани и пренесувани од колено на колено можеме да ги користиме и денес, затоа што тие се насочени кон постигнување на највредното: мирот, љубовта и среќата.
Ви пренесуваме три тајни за среќа од древните мудреци кои можат да ви го подобрат животот.
Не се нервирајте за работи кои не можете да ги контролирате
Ова правило е многу важно. Колку често сакате да контролирате работи кои се надвор од вашата контрола? Кога ќе се соочиме со деструктивен проблем, анксиозност или страв, треба да се запрашате – што можам да променам? Ако одговорот е „ништо“, тоа значи дека треба да се смирите. Не можете да ги контролирате сите работи, затоа што некои работи едноставно се случуваат. И тоа е во ред. Прифаќањето на овој факт ќе ве ослободи од голем товар. Тоа е затоа што понекогаш сакате да преземете одговорност за нешто на кое не можете да влијаете. Понекогаш тоа води кон страв, недостаток на самодоверба. Време е да го прифатите она што се случува, а не постојано да се обидувате да ги контролирате работите.
Прифатете и престанете да негирате
Кога не можете да ја промените ситуацијата, односно кога нешто е надвор од вашата контрола, тогаш единствена опција е да го прифатите она што се случува. Но, што е она што ги тера луѓето да ја негираат реалноста? Тоа се нашите ограничувања, блокади и очекувања. Најчесто станува збор за улогата на жртва, но и за личноста која бега од проблемите и ги турка под тепих. Прифатете го она што не можете да го промените.
Самите сте одговорни за својот живот
Не ги обвинувајте другите за своите грешки, туку прифатете ја одговорноста. Фрлање на погледи во минатото и каење поради она што се случило нема да помогне во пронаоѓање на решението за проблемот. Ова е само начин да најдете изговор за својата пасивност пред тешкотиите кои во овој момент се појавиле пред вас. Ние самите сме одговорни за своите животи, имаме слобода на избор и затоа можеме да одлучиме да бидеме најдобра верзија на себе.
