Пред нас е една моќна, но убава недела.
Астрологијата во последно време е тешка и напорно, но такво е и нашето живеење за време на оваа пандемија на која не и се гледа крајот. Излегуваме од сезоната на Водолиите, а полека навлегуваме во периодот на романтичните Риби.
Ако ни беше тешко да најдеме позитивна енергија или искра надеж досега, работите се поправаат оваа недела. Ова е моќен период за реализација на нашите цели и инспирација за сите знаци, но за три од нив доаѓа особено убава недела.
Близнаци – новите искуства ви носат голем раст
Ова е цела година во која се соочувате со ситуации во кои растете и созревате, а ви изгледа дека сето тоа се случува брзо. Можеби ви делува тешко, но се исплати целиот ваш труд и напор. Токму оваа недела, конечно ќе можете да почнете да ги собирате плодовите од тоа. Целата недела ви носи убави искуства и спонтаност, со што ќе се чувствувате среќно и исполнето.
Водолија - учите како да го извадите најдоброто од сите ситуации
Вашата сезона измина, а вие научивте како да ја најдете таа искра на позитивно расположение и да се радувате на условите во кои функционирате. Иако е тешко, учите дека не мора да биде секогаш лесно, но дека вашата перспектива е клучна за вашиот успех, или неуспех. За среќа, оваа недела ја имате поддршката од планетите па не можете да очекувате ништо помалку од насмевки со кои ќе ги прославите вашите успеси. Доаѓаат многу можности, кои порано или не биле пред вас или не сте ги забележувале.
Риби – се чувствувате харизматично и блескате со убава енергија
Ова е ваша сезона во која ќе го прославите својот роденден. Венера – планетата на љубовта и пријателствата влегува во вашиот знак во четврток носејќи ви огромна доза на самоувереност и харизма. Можете да исполните што и да посакате, а луѓето ве обожаваат и се заљубуваат во таа убава енергија која ја носите со себе.
