Лишена од слобода девојка од тетовско која управувала возило под дејство на алкохол и предизвикала сообраќајна незгода.
Како што информираат од МВР, вчера (02.12.2025) во 10:30 часот, полициски службеници од Полициската станица за безбедност на патниот сообраќај Тетово ја лишиле од слобода Џ.А.(24) од село Ново Село, општина Боговиње.
Претходно, таа со нејзиното патничко возило „фолксваген туран“ со тетовски регистарски таблички, кое го управувала, удрила во паркирано возило „фолксваген голф“ со тетовски регистарски таблици, паркирано од В.У.(23) од Тетово. При преземање мерки констатирано е дека е под дејство на алкохол, односно дека има 1,55 промили алкохол во крвта.
По целосно документирање на настанот, против неa ќе биде поднесена пријава по член 297-а од Кривичниот законик - „безобѕирно управување со моторно возило“, информираат од МВР.
