Денес, град Скопје е целосно мобилизиран, темелно се чисти Клиничкиот центар „Мајка Тереза“.
Ова го соопшти градоначалникот на Град Скопје Орце Ѓорѓиевски.
Како што рече, сите јавни претпријатија се вклучени во сеопфатна и темелна акција за чистење на Клиничкиот центар „Мајка Тереза“ - срцето на македонското здравство, кое секојдневно го посетуваат илјадници граѓани од сите делови на државата.
- Оваа акција е директен одговор на оправданите реакции и забелешки од граѓаните за долгогодишната негрижа кон овој исклучително важен комплекс. Местото каде што се лекува народот мора да биде чисто, безбедно и достоинствено. Се перат и чистат улиците и паркинзите, се сече и отстранува опасната вегетација, се чистат сливниците, се метат сите површини со специјализирани возила и се подига кабастиот и комуналниот отпад. Секој агол се уредува со цел Клиничкиот центар да добие лик каков што заслужува, извести Ѓоршиевски.
најави дека ваквите акции ќе продолжат и во иднина.
