Бавно дишење - две техники кои ќе ви помогнат да се смирите за неколку минути

Бавното дишење има моќ да ги намали стравот и вознемиреноста, но и да го подобри нашиот фокус.

Photo by Patrick Schneider on Unsplash

Постојано се соочуваме со ситуации кои ни предизвикуваат стрес, но ако не научиме да дишеме правилно, поголеми се и шансите различни ситуации да нè вознемируваат повеќе одошто треба. 

Кога ќе почнеме да чувствуваме тежина и стрес, важно е да се потсетиме на овие техники за дишење кои можат да ни помогнат да се смириме брзо. Др. Патриција Гербарг, асистент професор по психијатрија на Медицинскиот колеџ во Њујорк посочува дека е многу важно да научиме да дишеме, бидејќи на тој начин му испраќаме сигнали на нашиот мозок дека сè е во ред и дека можеме да се носиме со ситуацијата. Тој ги слуша нашите бели дробови, па така начинот на кој дишеме има големо влијание на нашите мозочни функции, многу повеќе од што сме свесни за тоа, вели таа во својата нова книга   „ Исцелувачката моќ на дишењето”. 

Ова се две техники кои таа ги препорачува.

Дишење преку стомакот

Оваа техника е позната и како дишење преку дијафрагмата, што претставува одличен начин да го поттикнеме парасимпатетичкиот нервен систем или пак оној дел од нашиот мозок кој има моќ да ни помогне да се смириме. 

Бебињата вообичаено дишат преку стомакот, но низ текот на времето, ние дишеме преку градите, што е помалку ефикасен начин да дојдеме до кислород. 

Како да ја изведете оваа вежба?

1. Најдете пријатна позиција.
2. Вдишете полека преку стомакот, околу 4 секунди. Абдоменот треба да порасне, додека пак не дишеме преку градите, или пак тоа е минимално.
3. Потоа издишуваме околу 4 секунди, или подолго.
4. Повторувајте ја оваа пракса секојдневно, барем 5 минути во текот на денот.

Таа е особено корисна во миговите кога ни е потребно да се смириме или пак на крајот на работниот ден, кога ни е важно да заборавиме на работата. 

Бавно, свесно дишење

Вообичаена возрасна личност вдишува околу 15-20 пати во текот на една минута, но убавината на оваа вежба е да дишеме бавно, земајќи 5 здива. Ваквата динамика му покажува на нашиот мозок дека сè е во ред и ние сме безбедни.

Идејата не е да се фокусираме на броењето, туку да успориме и да се фокусираме само на дишењето. Дишете преку носот, држејќи ги очите затворени, обидувајќи се да ги блокирате надворешните сигнали и звуци. Иако тоа нема да биде секогаш возможно, потрудете се. 

Психолозите ја препорачуваат оваа техника да се повторува секојдневно, барем 20 минути во текот на денот.