Адем Чучуљ е избран за нов претседател на Државната комисија за спречување на корупцијата. Тој денеска со 82 гласа „за“ е избран на пленарна седница во Собранието.
Чучуљ досега ја извршуваше функцијата генерален секретар на Антикорупциската комисија. Доаѓа на местото на Татјана Димитровска која поднесе оставка откако беше осомничена дека оддала службена тајна на лице поврзано со случајот „Адитив“.
Чучуљ по професија е дипломиран правник со положен правосуден испит.
Огласот за избор на нов претседател беше објавен уште летово, но постапката беше прекината поради локалните избори. Од вкупно 13 пријавени кандидати, селектирани беа 10.
