Тие го предизвикуваат статус квото, тие поставуваат прашања. Можеби делува како да се борат против поредокот, но тие всушност само се обидуваат да му најдат смисла. Тие се навистина уникатни личности. Еве по што креативните луѓе се разликуваат од останатите:
Го предизвикуваат системот
Тие не ги земаат работите здраво за готово и глатко не ги прифаќаат работите кои им се сервирани. Тие сакаат да поставуваат прашања и да носат свои заклучоци. Таквите луѓе најчесто носат промени во општеството. Секогаш на подобро.
Нивната креативност е периодична
Понекогаш можат да создаваат со денови, а понекогаш има периоди кога не создаваат ништо. Нивната креативност се појавува во циклуси.
Потребен им е простор
Доколку се затворат во својата соба за да работат, можете да ги посетите и поздравите, но треба да знаете дека мора да им оставите простор за да го прават она што најдобро го знаат.
Тие се фокусирани
Кога ќе им дојде инспирација, ништо не може да им го одвлече вниманието. Не заборавајте да бидете флексибилни со својот распоред.
Може да се случи да имаат промени на расположение
Не постои ништо што ве тера да осцилирате меѓу радоста и тагата како уметноста и креативноста. Овие луѓе се паметни и имаат чувствителни срца. Поддржете ги најмногу што можете.
Нивното создавање е лично
Тие се нервираат ако нешто не излезе како што замислиле. Секоја критика ја сметаат за потврда или осуда на нивната работа, па оттаму и на нивната вредност и личност.
Понекогаш не веруваат во себе
Охрабрете ги!
Понекогаш имаат проблем да го завршат она што го почнале
Повторно, потребно им е охрабрување. Понекогаш едноставно многу се двоумат, а создавањето е многу лична работа за нив, па затоа дајте им комплимент.
Никогаш вистински не созреваат
Тие цел живот живеат со својата детска љубопитност. Никогаш целосно не созреваат. Обидете се понекогаш заедно со нив да го гледате животот низ нивните очи.
