Владата на вчерашната онлајн-седница донела одлука, на барање на Дирекцијата за заштита и спасување, Агенцијата за стоковни резерви да достави на дирекцијата без надомест 5.000 литри дизел гориво, за противпожарните возила, информираат од владината прес-служба.
Исто така, според Одлуката за постоење кризна состојба заради зголемена појава на пожари на територијата на Република Северна Македонија и справување со непредвидливите последици, Владата го задолжила Бирото за јавни набавки да даде согласност на Генералниот секретаријат на Владата да спроведе постапка со преговарање без објавување оглас за набавка на 15.000 литри млазно гориво за потребите на Дирекцијата за заштита и спасување.
