Лишен од слобода бегалец од затворот „Идризово“. Ќе биде спроведен во истиот затвор за доиздржување на казнатa.
Како што информираат од МВР, денеска (04.02.2026) во 09:15 часот на булевар „Кочо Рацин“ во Скопје, полициски службеници од Секторот за меѓународна полициска соработка го лишиле од слобода А.Ј. (25) од Гостивар, кој бил баран со потерница по судска наредба поради бегство од Затворот Идризово.
А.Ј. е осуден на затворска казна од пет години и еден месец, поради сторени кривични дела по членовите 236 и 215 од КЗ.
Тој ќе биде спроведен во Затворот Идризово за доиздржување на казната.
