Великодушна, театрална, привлечна, одважна, страствена, тврдоглава, упорна, љубезна, верна, чесна, разиграна, темпераментна, горда, полна со живот, родена лидерка...
Лесно можете да ја препознаете, бидејќи секогаш се издвојува од толпата: таа најгласно се смее, има најубава насмевка, а нејзината самоувереност едноставно блеска од неа.
Таа е ЛАВИЦА!
Сонцето владее со овој хороскопски знак, па така во согласност со тоа и Лавицата обожава да биде во центарот на вниманието и многу често и успева во тоа. Има жесток темперамент и знае да избувне, па кога е лута најдобро е да ја смирите со комплименти и мали подароци. Има силен дух и сака да победува, а благодарение на својата интелигенција, досетливост и креативност, нејзиниот живот е исполнет со многу победи.
Врски
Таа е независна и има изразена силна индивидуалност, па сака партнер со истите тие карактеристики. Не ѝ треба некој кој ќе се грижи за неа, туку маж кој е доволно сигурен во себе за да ѝ дозволи да блесне во полн сјај. Во врската сака многу забава и динамика – не поднесува рутини и постојано смислува начини како да промени нешто во животот. Во љубовта најдобро се согласува со Близнаци, Стрелци и Ваги
Пријателство
Благодарение на својата топла личност, магична енергија, ентузијазам и полетност, таа како магнет ги привлекува луѓето околу себе, а нејзините пријатели често се луѓе кои ѝ се воодушевуваат. Таа е великодушна со своите пријатели и сака да им угодува и затоа има голем круг пријатели. Никогаш нема да ги изневери оние кои ѝ се блиски и може да им прости сѐ освен предавство.
Изглед и стил
Густа и нескротлива коса, баш како грива, изразени црти на лицето и големи и топли очи, широко чело, напрчен нос и мали уши се најкарактеристичните делови од нејзиниот изглед. Таа највеќе се гордее со својата нескротлива коса. Таа успешно може да ги изведе и носи најдраматичните и најнеобичните модни трендови благодарение на вродената самодоверба.