Во основното училиште Јохан Хајнрих Песталоци во Општина Центар е поставен едукативен сообраќаен полигон, како втора донација од компанијата ОКТА, во склоп накампањата „Јас внимавам“. Учениците добија и тематски боенки, а за нив беше изведена и театарска претстава преку која полесно ќе можат да ги научат основните сообраќајни правила и знаци.
„Јас внимавам“ е национална, годишна кампања создадена со поддршка на Министерството за внатрешни работи на Република Македонија, чија основна цел е да ја подигне свеста за безбедноста во сообраќајот. Оваа кампања има за цел да делува едукативно кај возрасните и најмалите учесници во сообраќајот и преку различни активности ќе помогне во постигнување позначителни резултати во подобрување на сообраќајната безбедност и култура во земјата.
