Уште еден авион со медицинска помош од Кина стигна во Србија

Уште еден авион со медицинска помош од Кина вчеравечер слета на аеродромот во Белград. Помошта се состои од распиратори, заштитни одела и маски, како и тестови за коронавирус.

Премиерката, Ана Брнабиќ, рече дека летот е во организација на УНДП и дека трошоците во износ од 450.000 евра ги сноси ЕУ.

– Летот носи клинички и транспортни распиратори, маски, заштитни одела, тетови и опрема која Србија ја купи, но и која ѝ ја донираа Кина и приватни компании од оваа земја, како компанијата ХБИС – рекла Брнабиќ.

Таа додаде дека за испорака на целокупната медицинска опрема што Србија ја купила, но и која ја донирале Кина и приватни компании, ќе бидат потребни десетина летови при што ЕУ ќе ги покрие трошоците за најмалку четири лета.

Досега во Србија слетаа четири авиони со медицинска опрема и помош од Кина.