Нашиот светски познат виртуоз на пијано Симон Трпчески ја одушеви публиката со својот настап во престижниот “Рецитал хол” во Сиднеј. Пред присутните тој ги изведе делата на Григ, Менделсон и Римски-Корсаков, а неговата изведба предизвика овации.
За неговата беспрекорна техничка изведба македонскиот виртуоз доби и одлични критики, а една од нив е: “Изгледаше како една од најхрабрите игри на пијано да се прикажани во “Рецитал хол”. Тие го открија Трпчески како пијанист со исклучителна способност. Неговиот динамички опсег е речиси надвор од верувањето, а тој е способен да создаде постојана грмотевица…”, напиша критичарот на J-Wire.
Трпчески на 28 јули ќе свири за љубителите на класиката во Тасманија по што следуваат концерти и во Нов Зеланд.