Волјата за живот нема граници. Алан Рашел, еден од тројцата бразилски фудбалери, кои минатата недела ја преживеаја фаталната авионска несреќа во Колумбија се исправи на нозе и испрати емотивна порака од болницата каде што се лекува.
Заздравувам многу добро и набрзо ќе бидам во Бразил каде ќе ја комплетирам рехабилитацијата. Сакам да ви се заблагодарам на сите за силата која ми ја дадовте и љубовта која ја покажавте, рече Рашел, кој за само осум дена од падот на авионот се исправи на нозе и ги отфрли црните прогнози дека засекогаш ќе остане инвалид.
Рашел беше еден од тројцата фудбалери на Чапакоенсе што ја преживеа трагедијата, во која загинаа 75 патници, од кои 20 негови соиграчи и членови на раководството..
Последните медиумски написи за Рашел пренесуваат информација дека тој досега 3 пати се спасил од тешки несреќи - преживеал тешка сообраќајна несреќа со автомобил, а во авионот во кој беше меѓу ретките преживеани, во последен момент го променил местото за седење.
- Ако има 7 животи, подобро да не ги потроши следните четири - коментира неговиот лекар, Маркос Сонагли.
