Тешка сообраќајка во Скопје, две лица пренесени во Ургентен

Две лица се повредени во сообраќајка која вчера попладне се случила во Скопје.

Несреќата е пријавена на улицата „Архимедова“, а во истата учествувале „Фолксваген поло“, управувано од Ш.И.(37) од Скопје и „Мерцедес  А180“, двете со скопски регистарски ознаки, управувано од А.А.(26) од Скопје.

– А.А. се здобила со тешки телесни повреди, а сопатникот во возилото „Фолксваген поло“, С.Г.(42) од Скопје се здобил со телесни повреди. Со возило на итна медицинска помош тие биле пренесени во Ургентен центар при комплексот клиники „Мајка Тереза“-Скопје, каде им била укажана лекарска помош, информираат од МВР.

Полициски екипи извршиле увид на местото на несреќата.