Таратур со ореви

Освежително предјадење за овие топли денови…

Потребно е:
5-6 чешниња лук
100 г исчистени ореви
околу 50 мл масло
1 кг кисело млеко
1 краставица
сол
1 лажица оцет

Подготовка:
– Во аван ставете ги исчистените ореви, лукот и малку сол и истолчете ги со дрвен толчник со повремено додавање масло додека да добиете бела смеса.

– Во смесата додадете ги киселото млеко, оцетот и на крај краставицата исечкана на мали коцки. Убаво измешајте.

– Пред да го послужите таратурот убаво изладете го во фрижидер.