Светлосните ефекти проектирани на зградата „Дом Ибни Пајко“ беа главна атракција на манифестацијата „Бела ноќ“ во Скопје.
На 14. издание на настанот, новитет во програмата е меѓународниот фестивал на светлосна уметност, „Скопје лајт арт дистрикт“, кој од вечерва ќе трае до 9 октомври, под мотото „Следи ја патеката“.
„Бела ноќ“ ја организира Младинскиот културен центар (МКЦ) со поддршка од Град Скопје, а вечерва почна со настапот на Градскиот дувачки оркестар на плоштадот „Јадран“.
На повеќе локации низ градот има изложби, концерти, театарски претстави, инсталации, кинопроекции и поетски читања, а во фокусот годинава се македонските уметници.
Фото: К. ПОПОВ / СДК.мк
