Се чека ревизија од Градежен факултет за да почне изградбата на Скопје-Блаце

Се чека ревизијата од страна на Градежниот факултет за да може да се објави тендер за првите два километри од автопатот Скопје-Блаце. Министерот на транспорт, Сугарески информираше дека веднаш штом ќе заврши ревизијата Јавното претпријатие за Државни патишта ќе го објави тендерот.

Стои на ставот дека првите два километри ќе почнат да се градат оваа година, за кои веќе се обезбедени пари. Во моментот се прави и студија за останатите 10,5 километри.

Во моментот се прави и анализа за приватизација на МЖ-Транспорт. Според Сугарески, таа треба да биде готова на есен, па дури тогаш ќе се знае како ќе се одвива целиот процес.

Надлежните се задоволни од искористеноста на електронските картички на наплатните станици на автопатските делници.