Се асфалтираат улици во Бардовци

Денеска, во населбата Бардовци, се асфалтираше нова делница од улицата 6, продолжение на веќе изградената голема сообраќајница.

Станува збор за асфалтирање на 220 метри земјен пат со што улицата ќе се спои со веќе асфалтираниот пат. Изведувач на градежните работи е Јавното претпријатие „ Улици и патишта“, а оваа инвестиција Општината ја чини околу 3 милиони денари. Со овој инфраструктурен зафат, уште еден комунален проблем на жителите на населеното место Бардовци ќе биде решен.

Општина Карпош во континуитет ги решава сите инфраструктурно- комунални проблеми во оваа месна заедница, сé со цел Бардовчани да ги имаат сите урбани услови за живеење и домување како и останатите граѓани на Карпош кои живеат во урбаните средини на локалната самоуправа.