По извршените испитувања утврдено е дека труењето во сендвичарницата Седмица е предизвикано од храната, односно поради присуство на салмонела.
Бројот на вкупно затруени од сендвичатницата во Карпош се 43 лица. Државниот здравствен и санитарен инспекторат најави кривична пријава против сопственикот на сендвичарницата.
Во издаденото решение се наведува дека треба да се спроведат антиепидемиолошки мерки по записник, потоа се прави повторно контролен надзор и во моментот кога ќе се добијат негативни сите потребни испитувања, објектот се отвора. Против субјектот ќе биде поднесена кривична пријава, а постапката понатаму е во надлежност на други институции, изјави за А1он, Ирена Бухова, директор на Државниот здравствен и санитарен инспекторат.
