Потрага по среќата: Која е тајната на среќните луѓе?

Сите сме постојано во потрага по среќата. Воопшто не  едноставен да се стигне до неа, ниту пак да се остане среќен кога ќе добиеме нешто. Како луѓе, постојано комплицираме нешто и бараме повеќе и повеќе.

Но, среќните луѓе имаат своја тајна. Ова е начинот на којшто тие размислуваат и пристапуваат кон среќата.

Се фокусираат на тоа да бидат активни

Не зборуваме само за физичка активност, туку тие луѓе постојано се зафатени со нешто. Вежбаат после работа, практикуваат некое свое хоби, одат на велосипед на работа. Во државите како Данска и Швајцарија каде и живеат најсреќните луѓе според статистиките, жителите постојано се занимаваат со физичка активност. За нив, на пример возењето велосипед е едноставно начин на живот, а не нешто што тие мораат да го прават.

Ја ценат убавината околу себе

Тие наоѓаат среќа во природата околу нив,но и во малите нешта околу себе. Свесни се дека за да се биде среќен, среќата можеме да ја најдеме во најмалите и едноставните нешта, и дека таа не доаѓа секогаш во некој голем пакет. Тие постојано градат навики како да уживаат во тоа што го прават и да ги ценат малите нешта кои им се случуваат или кои другите луѓе ги прават за нив.

Наоѓаат време за пријателите и семејството

Среќните луѓе сакаат да минуваат време со луѓе и во градење врски со пријателите и семејството. Во својот брз начин на живеење, тие не забораваат да испланираат дружење со луѓето кои им значат.

Минимално време минуваат пред телевизија или социјални мрежи

Среќните луѓе се свесни за светот во којшто живеат, но тие не сакаат да бидат окружени со негативни настани, лоши вести и извртена слика за среќата на социјалните мрежи. Гледаат телевизија само 45 минути дневно и наместо тоа се фокусираат на физички активности, помагање на другите и дружење со пријателите.