Пад од 20 отсто на дознаките од странство поради пандемијата

Пандемијата на новиот коронавирус доведе до отпуштање на голем број работници кои живеат и работат во странство, а последиците веќе ги чувствуваат нивните семејства кои зависат од парите што им ги испраќаат.

Светската банка проценува дека вредноста на дознаките од странство ширум светот ќе падне за 20 проценти оваа година.

Се проценува дека најсиромашните луѓе во светот кои живеат со парична помош од роднини од странство, ќе бидат лишени од околу 100 милијарди долари, јави Си-Ен-Ен.

За споредба, падот на вредноста на дознаките од странство заради светската економска криза во 2009 година беше пет проценти.