Општина Аеродром продолжува со редовната санација на пешачките патеки, како и со поплочување нови површини со цел создавање нови паркинг-места.
Деновиве се работи кај трговскиот центар „Три бисери“, каде се врши поплочување на нов простор, со што ќе се обезбедат нови паркинг-места за потребите на жителите од тој дел на Општината.
Исто така, службите вршат редовна санација на пешачките јавни површини во непосредна близина на детската градинка „Лале“ во населбата Јане Сандански.
