Татковците се одлични, тие нѐ сакаат со целото свое срце. Но, што е со нашите браќа? Тие не ја покажуваат на истиот начин љубовта, но сепак таа постои и е огромна.
Тие знаат кога нешто не е доволно добро за нас
Тие секогаш ни ја нудат својата перспектива и искрено ќе ни кажат кога некоја личност не е доволна добра кон нас или кога нема искрени намери. Иако внимателно ќе ги одберат зборовите, сепак секогаш се тука за нас да ни кажат дека треба да внимаваме.
Тие нѐ сакаат и покрај нашите маани, повеќе од било кој друг
Нашите браќа нѐ гледаат како правиме нешта кои не ги правиме пред другите луѓе и иако често нѐ задеваат поради тоа, сепак во нив љубовта е огромна за нас. Тие ги знаат нашите добри и лоши страни и секогаш ни даваат безусловна љубов.
Нѐ бранат пред нашите родители
Иако често се против нас, сепак секогаш кога ни е потребна заштита или поддршка пред нашите родители, тие се тука за нас. Секогаш имаат по некој добар збор за нас и секогаш ќе успеат да ги убедат нашите родители, кога тие одлучуваат да не бидат на наша страна кога сакаме да направиме нешто.
Имате свој јазик на разбирање
Имате свои шеги и анегдоти, но и свој јазик на разбирање кое е неразбирлив за другите. Често, само да се погледнете, тој веќе знае како размислувате и што мислите.
Тие ве засмејуваат повеќе од било кој друг
Имаат одлична смисла за хумор и иако шегите често се на ваша сметка, сепак ве смеат повеќе од било која друга личност која ја познавате, бидејќи хумор е автентичен и искрен.
Тие ги слушаат вашите совети
Иако често не бараат совет од вас, сепак од време на време знаат да се појават пред вас со комплицираните ситуации во кои се наоѓаат. Тие ве почитуваат и вашиот совет е секогаш добредојден за нив.
Тие се вашата најголема поддршка
Иако имате поддршка и од родителите и пријателите, сепак братот е тој кој ве разбира и кој секогаш ќе ви даде поддршка, без оглед на сѐ.
