Музејот на македонската борба ќе се вклучи во одбележување на европската манифестација „Ноќ на музеите“. Викендов во фоајето на музејот ќе биде претставена изложба по повод одбележувањето на 25-години постоење на најмалиот етнолошки музеј на светот, музејот во Џепчиште, Тетовски.
Утре со почеток од 20 часот ќе биде означен почетокот на изложбата со што и двата музеја ќе се приклучат кон европската манифестација. Оваа прилика е и одлична шанса да се промовира музејот од Џепчиште, но и музеите во Македонија генерално. Како што е веќе познато, оваа година се спроведува проект на соработка помеѓу музеите низ државава со цел подигање на стандардите и понудата во нив.