Откако до општина Карпош пристигале 300 барања за воведување на зонско паркирање, општината најавува дека преку анкетаќе го земе в земе во предвид мислењето и на останатите граѓани. Како што објаснува градоначалникот Стефан Богоев, анкетирани ќе бидат граѓаните кои живеат во Карпош 1 и 2, бидејќи жителите на овие населби имаат најголем проблем со паркирањето, јавува Слободен печат.
– Тоа се населби кои граничат со општина Центар, каде што паркирањето се наплатува, па одлучуваат да паркираат во Карпош, а потоа одат пеш до Центар, на работа, во парк, во зоолошка или на кафе. Затоа од следната недела во Карпош започнува анкета за регулирање на паркирањето. Јас нема самоиницијативно да воведам зонско. Ако мнозинството одлучи, ќе воведеме зона Д, што ќе значи бесплатно за три автомобили на жителите на Карпош, а сите други ќе плаќаат 25 денари час, рече Богоев.
Мнозинство гласови, како што објасни тој ќе се смета ако од повеќе од 50 проценти од анкетираните се согласат во Карпош да се воведе зонско паркирање.
