Денес облачно и нестабилно време со локални дождови и грмежи

Времето во Македонија денеска ќе биде променливо облачно и нестабилно, гласи прогнозата од Управата за хидрометеоролошки работи на Македонија.

Според УХМР се очекуваат поројни врнежи од дожд и грмежи, а локално во форма на невреме со пообилни врнежи, засилен ветер и појава на град.

Утринската температура ќе се движи од 7 до 15 степени Целзиусови, а максималната дневна температура ќе се движи од 15 до 26 степени.