11 Октомври е датум кој останува врежан во македонската историја. На тој ден, борците ги кренаа пушките в рака и тргнаа во поход кон слобода. Така беа поставени темелите на АСНОМ и формирањето на тогашна Социјалистичка Република Македонија.
Денеска, споделуваме една од најубавите македонски песни.
Македонија – Анте Поповски
Еве ја таа проста земја од дволичен камен
и сонце
децата уште незаодени каде откопуваат
лобањи
По градините.
Еве ја таа земја од пајажина и од води
Мудро слободата кај што ги запишува селските
имиња
Место икони по црквите
И каде летото како судбина
Трае до последниот востанат.
Еве ја таа проста земја од заморено дишење
и од молк
Низ која времето одминува и пак се враќа
Со неа да го сподели лажното траење.
О, еве ја таа проста земја од грч и од чекање
Што ги научи и ѕвездите да шепотат на
македонски
А никој не ја знае.
